Ana səhifə Sağlıq |
Azərbaycan İsrail Beynəlxalq Tibb Mərkəzi yeni kampaniyaya start verib.
Tibb Mərkəzindən Axar.az-a verilən məlumata görə, mərkəz Azərbaycan Tibb Universitetini fərqlənmə diplomu və uğurla bitirən həkimlər üçün İsraildə fəaliyyət göstərən İsrail Suarski adına (İxilov) dövlət xəstəxanasında və İsrailin Birinci Tel-Əviv Tibb Mərkəzində Azərbaycan İsrail Beynəlxalq Tibb Mərkəzi hesabına ixtisasartırma kursları təşkil edir.
Müsabiqə əsasında seçiləcək terapevt, kardioloq, ginekoloq, dermatoloq, nevropatoloq, USM, laborant, kosmetoloq-dermatoloq həkimlər üçün nəzərdə tutulan bu kursun müddəti 7-14 gündür. Mərkəz məlumat verir ki, bu müddət ixtisasa görə uzadıla da bilər. Məlumatda bildirilir ki, müraciət edən həkimlərin rus və ingilis dillərini bilməsi əsas şərtlərdəndir.
Kursu bitirmiş həkimlər İsrailin Birinci Tel-Əviv Tibb Mərkəzinin sertifikatlarını alacaq və Azərbaycan-İsrail Beynəlxalq Tibb Mərkəzində işlə təmin olunacaqlar.
Təhsil almaq istəyənlər öz tərcümeyi-halını [email protected] elektron ünvanına göndərə və ya həkim əlaqələndirici Mətanət Əliyeva ilə aşağıda qeyd olunan telefon nömrələri vasitəsilə əlaqə saxlaya bilərlər:
(+994 12) 436-28-31, (+994 55) 577-83-63
Tarix
2015.02.17 / 13:14
|
Müəllif
Məmməd
|