Koronavirusdan sağalan şəxslərdə eşitmə problemləri aşkar edilib.

Axar.az xəbər verir ki, bu məlumatı Mançester Universitetinin mütəxəssisləri veriblər.

121 koronavirus xəstəsi üzərində aparılan araşdırmadan sonra onların 16-da eşitmə qüsuru aşkar edilib. Məlum olub ki, pasiyentlərdə bu problem xəstəxanadan çıxdıqdan 2 ay sonra yaranıb.

Tədqiqatçılar qızılca və menengit kimi digər virusların da eşitmə qabiliyyətinin pozulmasına səbəb ola biləcəyini vurğulayıblar.

Bildirilir ki, bu, eşitmə siniri boyunca siqnalların beyinə ötürülməsinin pozulduğu eşitmə neyropatiyası ilə bağlı ola bilər. Lakin alimlər koronavirusa yoluxmuş xəstələrin eşitmə sisteminə stres və infeksiyaya qarşı tətbiq olunan dərmanların da təsir edə biləcəyini düşünürlər.