5-7 il sonra koronavirus daha yoluxucu olacaq, amma daha az fəsadlara gətirib çıxaracaq.

Axar.az xəbər verir ki, bu iddia ilə rusiyalı infeksionist Yevgeni Timakov çıxış edib. O, virusların daimi olaraq mutasiya etdiyini və koronavirusun da burada istisna olmadığını deyib:

“Mutasiya koronavirusun genomunu yox, onun xüsusiyyətlərini dəyişir. Virus öz sahibini öldürmədən xarici mühitdə yaşamağa çalışır. Yəni 5-7 il sonra koronavirus infeksiyasının istənilən halda görüntüsü dəyişəcək. O, daha yoluxucu olacaq, amma daha az fəsadlara gətirib çıxaracaq”.

İnfeksionist buna ən yaxşı sübutun Britaniyada koronavirusun mutasiya olmuş yeni ştamının olduğunu bildirib.