ATU-nun Tədris Cərrahiyyə Klinikasının Radiologiya şöbəsinin müdiri, dosent Rasim Bayramov Feysbuk hesabında koronavirusun B117 ştammının daha yoluxdurucu və öldürücü olduğu üçün kütləvi peyvəndləməyə qədər iki maskanın taxılmasının məsləhət görüldüyünü bildirib.

Məsələ ilə bağlı Axar.az-a açıqlama verən infeksionist Vüqar Cavadzadə deyib ki, infeksiyadan qorunmaq üçün cərrahi maska kömək etmir:

“Onun təyinatı başqadır. Koronavirusdan qorunmaq üçün mütləq N95 respirator maskadan istifadə edilməlidir. Bu maskalardan birini istifadə etmək də kifayətdir. Əgər cərrahi maska istifadə edilirsə, o zaman 2-3 maska taxmaq olar. Çünki onların birindən istifadə etmək bizə kömək etmir. Maskaların üst-üstə taxılması orqanizmə mənfi təsir etsə də, koronavirus qədər ziyan vurmur”.