Beı ağrısının daha çox qadınlarda erkən ölümə səbəb olduğu araşdırılıb.

Axar.az Medicina.az-a istinadən xəbər verir ki, ABŞ Boston Universitetinin alimləri yeni elmi araşdırmalarında qadınlarda daimi xroniki bel ağrılarının erkən əlilliyə səbəb olduğunu bildirib.

Alimlər 81 min nəfərin qatıldığı 11 elmi tədqiqatın nəticələrini analiz ediblər.

İştirakçıların tibbi məlumatları 23 il ərzində toplanıb. Məlum olub ki, beldə xroniki ağrılarla xəstənin erkən ölümü arasında əlaqə var və bu daha çox qadınlarda müşahidə edilir.

Əgər qadında güclü bel ağrıları varsa, onun ömrü minimum 1,5-2 il azala bilər. Əgər ağrı dözülməlidirsə, gəzmək, yüngül idmana mane olmursa, o zaman qadınlar fizioterapiya, idmanla ömürlərini uzada bilər.

Alimlər bu fenomeni onunla izah ediblər ki, beli xroniki ağrıyan qadınların fiziki aktivliyi azalır, gündəlik işlərini də görmür, depressiyaya düşür, gəzintiyə çıxmır, çəkisi artır və ürək-damar sistemi yüklənir. Nəticədə bel ağrısı ölümə birbaşa səbəb olmur, ürək səbəb olur.

Beli ağrıyan yaşlı qadınlar bədən tarazlığını saxlaya bilmir, tez yıxılır, sınıqlara məruz qalır.