Əhalinin indiki vəziyyətinə görə antitel testləri xeyli bahadır. Yaxşı olar ki, dövlət müəyyən bir məbləğ ödəsin, ya da bu testlər xəstəxanalarda ucuzlaşdırılsın. Eyni zamanda onlar apteklərdə, marketlərdə müvafiq guşələrin qoyulması ilə tətbiq edilsin.

Bu sözləri Axar.az-a açıqlamasında tibb elmləri doktoru, professor Adil Qeybulla deyib.

O bildirib ki, xəstəliyi simptomsuz, subklinik formada keçirənlər üçün kütləvi antitel testləri verilməlidir:

“Bu testlərin hamı üçün əlçatan olması üçün onlar xeyli ucuz olmalıdır. Xəstəliyi keçirib, antitel testləri normal olan şəxsə immunitet pasportu verilə bilər. Bu cür taktika həm daha ədalətli olar, həm də biz nə qədər insanda immunitet formalaşdığını, kollektiv immunitetə nə qədər yaxın olduğumuzu bilərik”.