Azərbaycana Rusiya istehsalı olan “Sрutnik V” peyvəndinin növbəti partiyası gətirilib.

Səhiyyə Nazirliyinin mətbuat xidmətindən Axar.az-a verilən məlumata görə, Rusiyadan Azərbaycana ümumilikdə 80 min doza “Sрutnik V” vaksini çatdırılıb.

Qeyd edək ki, martın 11-də Baş nazir Əli Əsədov 300 min doza “Sрutnik V” dərman vasitəsinin Rusiyadan Azərbaycana idxalı ilə bağlı sərəncam imzalayıb.

Mayın 2-də Rusiyadan Azərbaycana “Sрutnik V” vaksininin 40 min doza peyvənddən ibarət ilk partiyası gətirilmişdi.

Azərbaycanda “Sрutnik V” vaksininin istifadəsinə isə mayın 18-dən başlanılıb.