Serialımız bitdi! Hər kəsə təşəkkür etmək istəyirəm! Çox gözəl kollektivdə çalışdım, çox mehriban insanlarla üzləşdim! Tanımadıqlarımı da yaxından tanıdım!

Axar.az xəbər verir ki, bu sözləri "Dəfnə ağacı" serialında Dəfnə rolunu canlandıran aktrisa Cəmilə Tağızadə rəsmi Feysbuk səhifəsində yazıb. O, serial heyətinə, izləyicilərə ürək sözlərini çatdırıb:

"Bütün heyətə təşəkkür edirəm, xüsusilə də rəhbərliyə, bizi bir araya yığdığı üçün. Bu fotonu mən məhz bu günə saxlamışdım, tələsik çəkilən fotodur, amma son çəkiliş günündən yadigar qaldı. Seriala yarıdan gəlsəm də, obrazımı az, ya çox sevən, sevməyən hər bir izləyiciyə təşəkkür edirəm. İnşallah, yenidən gözəl layihələrlə qarşınızda olaram, bu gözəl heyətlə də yenidən bir araya gələrik. Var olun! Hər kəsə uğurlar!"

Qeyd edək ki, "Dəfnə ağacı" serialı İlqar Fəhminin povestinin motivləri əsasında çəkilib. Serialın ssenari müəllifləri Pərviz Seyidli və Reyhan İsayevadır. Ekran işində Sənubər İsgəndərli, Kazım Abdullayev, İlqar Cahangir, Ülvi Həsənli, Qorqud Cəfər və başqaları çəkilib.