Türkiyədə iyulun 15-də baş verən hərbi çevrilişə cəhdə görə küçələrdə növbə çəkən vətəndaşlara siyasətçilər, sənətçilər də dəstək olur.

Axar.az xəbər verir ki, Taksim meydanında keşik çəkənlərə dəstək verənlərdən biri də "Qurdlar Vadisi Pusu" serialının baş qəhrəmanı Necati Şaşmazdır. O, bütün xalqı birliyə, demokratiyanı qorumağa səsləyib:

"Dəyərli qardaşlarım! Milli kimliyimizi məhv etməyə çalışdılar, amma biz yıxılmadıq. Özümüzü bir tankın altından başqa bir tankın altına atdıq. Bu çevrilişi dayandıran xalqımla fəxr edirəm. Biz həmişə demokratiyanın yanında olacağıq. "Qurdlar Vadisi" serialı 14-cü mövsümə hazırlaşırdı. Biz illərdir ki, serialda bunları göstərməyə çalışırıq. İndi hamımız gördük ki, "Qurdlar Vadisi"ndə olan hadisələr həqiqətdir. Gəlin, birliyimizi qoruyaq".