Məlik Dadaşov Azərbaycan kino tarixində daha çox mənfi obrazlarla yadda qalıb.O, “Dəli Kür”də Molla Sadıq, “Axırıncı aşırım”da Qəmlo, “O dünyadan salam”da Şeyx Nəsrullah, “Fəryad” filmində isə Aram Xaçaturyan obrazlarını o qədər ustalıqla canlandırıb ki, hətta bu rollarına görə aktyora nifrət edən tamaşaçılar da olub.

Məlik Dadaşov 1924-cü il iyunun 7-də Bakıda doğulub. Aktyorun doğum gününün maraqlı, qəribə tarixçəsi var. Məlik Dadaşovun qızı Gülnarə Dadaşova atasının dəqiq doğum tarixini 60 yaşında öyrəndiklərini deyib:

“59 il atamın ad gününü iyunun 17-də qeyd etmişik. Bir gün təsadüfən doğum haqqında şəhadətnamə lazım oldu, itdiyi üçün atam arxivdən doğum şəhadətnaməsini çıxartdı.Beləliklə, 60 yaşında özü də, biz də öyrəndik ki, o, iyunun 17-si yox, 7-si dünyaya gəlib.Nəhayət, 60 yaşında doğum gününü məhz həmin gün qeyd etdik”.

Aktyorun səhnəyə gəlişi 1946-cı ilə təsadüf edir. Səhnə fəaliyyətinə Zaqatalada yenicə açılmış teatrda başlayıb.

Məlik Dadaşov öz istedadı ilə ustadlarını da heyrətləndirirdi. Bir vaxtlar müəllimi, Adil İsgəndərov “Axırıncı aşırım” filmində Kərbəlayi roluna görə ona verilən mükafatdan imtina edərək “Bu mükafat Məlik Dadaşova düşür, “Qəmlo”nu yaratdığına görə” demişdi.

Daha ətraflı Axar TV-nin təqdim etdiyi süjetdə: