Türkiyənin yeni “Alparslan” serialı ekrana çıxan kimi tamaşaçıları ələ aldı və “2021-ci ilin əsas sensasiyası” statusunu qazandı.

Kult.az xəbər verir ki, bu barədə “Star Hit” nəşri məlumat yayıb.

Nəşrin yazdığına görə, türk prodüserləri 10 ildir ki, “Möhtəşəm Yüzil”in fenomenal uğurunu təkrarlamağa çalışsalar da, indiyədək kult dramının rekord baxışlarına yaxınlaşa bilməyiblər.

Lakin bir neçə tənqidçi “Alparslan” layihəsinin bu rekordu qıracağına inanır. Serial Səlcuqlu dövlətinin sultanı Alparslandan bəhs edir.

Qeyd edək ki, serialda baş qadın rolunu Fəxriyyə Evcən, Sultan Alparslan obrazını isə Barış Arduç ifa edir.