Oktyabrın 16-da Bakıda VI Avropa Film Festivalı başlayacaq.

Axar.az xəbər verir ki, festivalda 16 ölkədə istehsal olunan filmlər yer alacaq.

Festivalda tamaşaçılara dram, komediya, fantastika, macəra janrlarında olan bədii filmlərlə yanaşı, animasiya və sənədli ekran əsərləri də təqdim ediləcək. Festival çərçivəsində nümayiş olunacaq filmlərin adları yaxın günlərdə müəyyənləşdiriləcək.

Festivalda filmləri nümayiş olunacaq 16 ölkə bunlardır: Almaniya, Finlandiya, Çexiya, Böyük Britaniya, Avstriya, Xorvatiya, Belçika, Rumıniya, İtaliya, Estoniya, Fransa, İspaniya, Latviya, Macarıstan, Bolqarıstan və Azərbaycan.