2006-cı ildən bu yana 4 Ceyms Bond filmində baş rolu oynayan ingilis aktyor Deniel Kreyqin növbəti filmdə də "Agent 007"-ni oynayacağı dəqiqləşib.

Axar.az xəbər verir ki, Ceyms Bond rolunu oynayan aktyorlar təxminən 4 filmdən sonra roldan imtina etdikləri üçün bir neçə həftədir ki, dünya mediasında rolun növbəti sahibi haqqında müxtəlif versiyalar yazılırdı.

Tom Hardi, Emili Blant, İdris Elba kimi aktyorların, hətta futbolçu Devid Bekhemin belə bu rola dəvət edildiyi iddiaları səslənsə də, bütün bu söz-söhbətlərə Kreyqin rəsmi menecerlik agentliyi son qoyub. Agentlik açıqlama verərək, "Spektr"dən sonra daha bir film üçün də müqavilə imzaladıqlarını bildiriblər.