Reytinq rekordçusu "Qurdlar Vadisi Pusu" serialında əsas obraz Polad Alemdar rolunu canlandıran Necati Şaşmazla qardaşı Raci Şaşmaz arasında yaranmış gərginlik böyüyərək davam edir.

ANS-in verdiyi məlumata görə, Necati Şaşmazın son addımı isə təəccüb və serial fanatları tərəfindən etirazla qarşılanıb.

Raci Şaşmazın "Qurdlar Vadisi" serialının ilk bölümlərində Süleyman Çakır obrazını canlandıran Oqtay Kaynarcanı özünün çəkdiyi "Eşkiya dünyaya hökmdar olmaz" serialında Çakırbəyli roluna çəkməsi Necati Şaşmazı hiddətləndirib.

Yerli mətbuatın xəbərinə görə, Necati Şaşmaz bunun acısını "Vadi"də Süleyman Çakırın oğlu Pusat obrazını canlandıran aktyor Görkem Seindikdən çıxıb. Oqtay Kaynarca ilə Görkem Sevindikin gərçək həyatda heç bir qohumluq əlaqələri olmasa da və ikili mübahisənin tərəfləri olmasa da Necati Şaşmaz yeni mövsümdə gənc aktyora "Vadi"də rol verməyib.

Şaşmazın bu hərəkəti sosial şəbəkələrdə serial pərəstişkarları tərəfindən etirazla qarşılanıb. "Pan film" aktyorluq akademiyasının tələbəsi olan Görkəm Sevindik seriala çəkildiyi ilk günlərdən göstərdiyi aktyorluq bacarığı ilə tamaşaçıların rəğbətini qazanıb.

Raci və Necati Şaşmaz qardaşlar 2013-cü ildə aralarında yaranmış mübahisə zəminində qalmaqallı şəkildə birbirlərindən ayrılmışdılar.

Qardaşlar arasında bundan sonra da müxtəlif səbəblərdən qalmaqallar yaranıb. Amma onlar hətta atalırının və nənələrinin yas mərasimində biraraya gəlsələr də birbirlərinin üzünə baxmayıblar.