Çoxlarına elə gəlir ki, orada Cəlalın Həsənağa Turabova, yəni Gəray bəyə dediyi "keçmişini, gələcəyini, hər şeyini uduzmusan" sözləri sonradan filmə əlavə olunub. Ancaq elə deyil, o sözləri mən çəkiliş zamanı demişəm. O kadrlar filmə sonradan əlavə olunmayıb.

Axar.az xəbər verir ki, bu sözləri əməkdar artist Ənvər Həsənov "Yeddi oğul istərəm" filmində sovet quruluşuna zidd olan səhnələrlə bağlı danışarkən deyib.

ATV-də yayımlanan "İlqarla xeyrə qarşı" verilişi zamanı Ə.Həsənov qeyd edib ki, həmin hissədə Cəlal kadrda olmadığı üçün onun səsi bir ton yüksək verilib: "Ona görə də çox adam fikirləşir ki, o hissə sonradan əlavə olunub".

Əməkdar artist sovet vaxtı "komsomolun canı it canıdır" frazasının filmdə səslənməsinə icazə verilməsinə də toxunub: "Bu əsəri rəhmətlik Səməd Vurğun yazmışdı, onun yazdığını silmək olarmı?"

Qeyd edək ki, 1970-ci ildə lentə alınan "Yeddi oğul istərəm" filmində Ənvər Həsənov Cəlal rolunda oynayıb.