YARAT Film Klubunda Zeyqəm Əzizovun üç esse filmi nümayiş olunacaq.

Axar.az xəbər verir ki, nümayiş noyabrın 10-u, saat 19:00-da baş tutacaq.

Bu esselər trilogiya şəklində bir araya gətirilir. Sənədli film 2000-ci ildə başlanan və bu günədək davam edən tədqiqat haqdadır.

Trilogiyanın əsas ideyası insanların qızğın hərəkətlərinin hərəkətdən təsvirə necə çevrildiyini əyani surətdə göstərməkdədir.

Tədbirdə həmçinin "Moskva Art Maqazin" incəsənət jurnalının təsisçisi və baş redaktoru, kurator Viktor Misiano iştirak edəcək.

Z.Əzizov Azərbaycan əsilli Britaniya rəssamıdır. O, Azərbaycanda anadan olub, hazırda Londonda yaşayır. Fransa, Britaniya və Avstriyada incəsənət və fəlsəfə üzrə təhsil alıb.

Onun fəaliyyətinin əsasını təsvirlər vasitəsilə biliklərin çarpaz dövriyyəsi və müasir incəsənətdə fəlsəfi paradiqma məsələləridir.