İranlı aktrisa Sədəf Taherian hicabsız fotolarını paylaşdığı üçün ölkəsindən qovulub.

Axar.az xəbər verir ki, aktrisa islam ölkəsinin qadınlar üçün ictimai yerdə qoyduğu qaydaları pozub.

İran mədəniyyət naziri tərəfindən məsələyə müdaxilə olunub və fotoşop yoluyla Sədəfin sosial şəbəkədəki şəkillərinə hicab taxılıb.

Aktrisanın ABŞ-da fars dilində yayımlanan şoulardan birinə açıqlamasında baş verənlərə münasibəti belə olub: "Mən İran xalqından bu cür reaksiya gözləmirdim. Artıq deməyə sözüm yoxdur. Xoşbəxt ola biləcəyim yerdə yaşamaq istəyirəm".

İranda fəaliyyəti boyunca rejissorlar tərəfindən seksual zorakılıqla üzləşdiyini bildirən Taherian karyerasına Dubayda davam edəcəyini açıqlayıb.