YARAT Müasir İncəsənət Məkanı Aleksandr Dzübanın peşəkar aktyor hazırlığı məktəbinin "BUTA" adlı üçgünlük məşğələ proqramını həyata keçirəcək.

Axar.az xəbər verir ki, təlim "Ayna bloku", "Assosiativ qavrayış bloku", bir də "Nitq-səs bloku" məşğələ hissələrindən ibarətdir və konkret məqsədləri hədəfə alan müəyyən tapşırıqlar toplusu kimi təşkil olunub.

Qeyd: Yaşı 16-dan 45-ə qədər olan hər kəs təlimdə iştirak edə bilər. İştirak etmək istəyənlərə özü ilə idman geyimi və münasib ayaqqabı, eləcə də bir şüşə su və yumşaq dizlik gətirmək tövsiyə olunur.

Qrupda 10-dan 30-a qədər iştirakçı nəzərdə tutulub. Hər məşğələ 3 saat davam edəcək, üç dəfə 5-dəqiqəliq fasilə verməklə. Məşğələlərə peşəkar aktyorlardan başqa, digər yaradıcı peşə sahibi olan şəxslər də (rəssamlar, musiqiçilər, rəqqaslar və s.) qatıla bilər.