Axar.az
Yuxarı

Şeyx Əbdül Corc Klunini məhkəməyə verir

Ana səhifə Kult Sinema
12 Punto 14 Punto 16 Punto 18 Punto

Xarici İşlər Nazirliyinə də getmişəm. Buradakı səfirliyə də müraciət etdim. Daha bir neçə qurumla da danışacağam. Hazırda Corc Kluniyə böyük bir cavab hazırlayıram. Onu beynəlxalq məhkəməyə vermək fikrim var. Mən ondan tələb edəcəyəm ki, yoldan çəkilsin.

Axar.az xəbər verir ki, bu sözləri əməkdar incəsənət xadimi Əbdül Mahmudov məşhur Hollivud aktyoru Corc Klunini beynəlxalq məhkəməyə verməsi ilə bağlı Modern.az saytına danışarkən deyib:

"Bu yolda mənə sizin və bütün medianın dəstək olmasını istəyirəm. Məşhur amerikan aktyor Corc Kluni qondarma erməni soyqırımı ilə bağlı ABŞ Senatına etiraz edib. Senata bildirib ki, siz türk ölkələri ilə biznes maraqlarına görə bu soyqırımı qəbul etməmisiniz. Yəqin ki, sizin də xəbəriniz var: ABŞ Senatı qondarma erməni soyqırımı ilə bağlı məsələni oxunuşa çıxarmadı. Həmin aktyor da buna etiraz edib. Görünür, burada erməni lobbisinin və diaspor təşkilatlarının əli var. Çünki onların diasporları bizdən fərqli olaraq yaxşı işləyir".

Əbdül Mahmudov məşhur aktyoru Bakıya da dəvət etmək istəyir:

"Məktub hazırlamışam. Rəsmi qurumlardan da mənə dedilər ki, elə sizin kimi ziyalıların vətəndaş mövqeyi göstərərək məsələyə qarışması daha yaxşıdır. Lazım gəlsə, mən onu Bakıya dəvət edərəm və öz çəkdiyim "Qan yaddaşı" filmini ona göstərərəm. "Qan yaddaşı" sənədli filmdir. Filmdə hər bir fakt mənbələrə söykənib. Orada göstərmişəm ki, ermənilər Qafqazda necə məqsədli şəkildə istifadə olunub. Kluni bunları bilmirsə, mən ona filmi göstərə bilərəm. Bu məsələyə sizlərin də qoşulmasını istəyirəm. Biz öz həqiqətlərimizi dünyaya çıxarmalıyıq. Qapı-qapı gəzirəm, amma filmin dublyajı üçün lazım olan 10 min manatı kimdənsə tapa bilmirəm. Biz bu filmi dublyaj edib, kənara çıxarmalıyıq".

Qeyd edək ki, məşhur aktyor Corc Kluni bir müddət öncə qondarma erməni soyqırımını dəstəklədiyini bildirib.

Tarix
2015.11.02 / 15:48
Müəllif
Aqşin Evrən
Şərhlər
Digər xəbərlər

Güneylilər film çəkir, quzeylilər də iştirak edəcək

"Avatar 2" ən çox gəlir gətirən filmlər sırasında

Şeyx etiraz etdi: Əziz tələbə yoldaşım, əl çək vəzifədən!

“Qızıl qlobus”un qalibi elan edildi

Azərbaycanlı aktyor hind filmində - Video

Azərbaycanlı aktyor rus serialında - Video

Bu sahədə ABŞ-dan sonra 2-ci yerdəyik - Ərdoğan

Türkiyədə Azərbaycanla bağlı möhtəşəm film - Video

Bakıda Türk Filmləri Həftəsi

İran Ermənistanda serial çəkir

KULT
Xəbər xətti
Axar.az'da reklam Bağla
Reklam
Bize yazin Bağla