Yaxşı sənətkar kimi yetişməkdə 1 faiz istedad, 99 faiz zəhmət rol oynayır.

Bu sözləri xalq artisti Hacı İsmayılov aktyorluq təhsili olmayanların film və tamaşalarda rol alması ilə bağlı Axar.az-a danışarkən deyib:

"Aktyor olmaq üçün mütləq Mədəniyyət və İncəsənət Universitetini bitirmək lazım deyil, əsas istedadlı olmaqdır. Azərbaycanın o qədər görkəmli aktyorları, aktrisaları, rejissorları olub ki, onlar aktyorluq təhsili və ya ali təhsil almayıblar. Buna baxmayaraq, tamaşaçı tərəfindən həmişə seviliblər.

Amma bu o demək deyil ki, "mənim istedadım var, onda mən oxumayım, öz üzərimdə işləməyim", - deyib otursunlar. Yaxşı sənətkar kimi yetişməkdə 1 faiz istedad, 99 faiz zəhmət rol oynayır. Əgər gənclər öz istedadları ilə kifayətlənməyib dayanmadan oxusalar, çalışsalar, onda onlar da gələcəyin xalq artisti, peşəkar sənətçisi ola bilərlər".