Aktrisalar arasında ən çox Türkan Şorayı sevmişəm.

Bu sözləri əməkdar artist Naibə Allahverdiyeva aktyor və aktrisanın özünə kumir seçdiyi şəxsdən təsirlənməsi ilə bağlı Axar.az-a danışarkən deyib. Əməkdar artist gənc aktrisaların da fəaliyyətini qiymətləndirib:

"Televiziya tamaşalarında və seriallarda yalnız komik obrazlar ifa etsəm də, teatrda çox vaxt dram tamaşalarında rol alıram. İndi konkret deyə bilmərəm ki, gənclərdən kim gələcəyin Naibəsidir, amma kifayət qədər istedadlı gənc aktrisalarımız var.

"Mənim yolumu davam etdirənlər", - deməzdim, amma məni özünə kumir seçən gənclər ola bilər. Mənim kumirim Rasim Balayev olub. Gənc vaxtlarımda "Nəsimi" filminə baxıb, onun oradakı obrazına aşiq olmuşdum, onu sevirdim. Aktrisalar arasında isə ən çox Türkan Şorayı sevmişəm. Hətta bəzi dostlarım deyir ki, mənim gözlərim Türkan xanımın gözlərinə bənzəyir".