Əgər Türkiyədən gedəsi olsaq, Azərbaycana gedərik.

Axar.az xəbər verir ki, bu sözləri məşhur türk aktyor Cem Yılmaz yeni çəkdiyi "Əlibaba və 7 liliput" filmində səsləndirdiyi "Neyləyək, alınmadı" mahnısı haqda danışarkən deyib. Aktyor filmin yaxın vaxtlarda Azərbaycanda da nümayiş olunacağını açıqlayıb:

"Mahnını azərbaycanlı sənətçi İradə İbrahimovanın ifasında dinləmişdik, filmin ssenarisinə salmamışdıq. Filmdə Kənan Məmmədovla Boris Manço qarşılaşır və bir-birlərini bu mahnı ilə xatırlayırlar. Mahnı üçün çox məşq etdik.

Bu mahnıdan sonra Azərbaycandan çoxlu mahnılar göndərilir. Zəfər Alagöz ötən günlərdə bizə gənc müğənni Rauf Əhmədovun mahnısını göndərib. Raufun mahnısını sosial şəbəkədə paylaşdıq və Azərbaycan televiziyalarında bu addımımız xəbərə çevrildi. Rauf da bizə təşəkkür etdi. Filmimiz 3 həftə sonra Azərbaycanda nümayiş olunacaq. Türkiyədə bizi sevən insanlar azalsa, Azərbaycana gedərik".