Bu filmdə heç kəs məni tanımayacaq.

Bu sözləri aktyor İslam Mehrəliyev yeni çəkildiyi "Oğlan evi" filmi ilə bağlı Axar.az-a danışarkən deyib. Aktyor filmdəki bəzi nüansları açıqlamaq istəməyib:

"Bildiyiniz kimi, baş rollarında Elcan Rəsulov, Fərda Xudaverdiyev və mənim oynadığım "Oğlan evi" filmi yaxın günlərdə təqdim olunacaq. Hadisələr bir ev üzərində cərəyan edir. Filmdə tamaşaçı məni tam fərqli bir obrazda görəcək. Hazırda açıqlamaq istəmirəm, qoy obrazım sirr qalsın. Ancaq onu deyə bilərəm ki, filmdə bir maşın var və mənimlə bağlı olan hər şey o maşınla da bağlıdır. Yəni filmdə maşın mənim ruh əkizim kimi bir şeydir".

Qeyd edək ki, "Oğlan evi" filminin premyerası dekabrın 2-də "Nizami" kino mərkəzində baş tutacaq.