Yeni serialın hazırlıq mərhələsi artıq başlayıb.

Bu sözləri əməkdar artist Tünzalə Əliyeva yeni çəkildiyi serial haqda Axar.az-a danışarkən deyib. Aktrisa serialın böyük maraq doğuracağını bildirib:

"Bildiyiniz kimi, "Qardaşlar" serialına çəkilirəm. İndi isə yeni bir serialımız başlayır. "Əntiqə rəfiqələr" adlı serial olacaq. Serialda rəfiqələr iş axtarılar və əlbəttə, tapa bilmirlər. Bundan sonra isə onların başlarına həm gülməli, həm də çox maraqlı əhvalatlar gəlir. Düzdür, mənə iki serialda birdən iştirak etmək bir az çətin olacaq. Buna baxmayaraq, çəkiliş günlərini elə bölmüşəm ki, üst-üstə düşməsin. İnanıram ki, bu serial böyük marağa səbəb olacaq".