"Əli və Nino" filminin premyerası Amerikada keçiriləcək.

Axar.az xəbər verir ki, yazıçı Qurban Səidin eyni adlı romanı əsasında çəkilmiş film yanvarın 21-dən 31-dək keçiriləcək ABŞ-ın nüfuzlu "Sundance" beynəlxalq film festivalında nümayiş olunacaq.

"Əli və Nino" filminin icraçı prodüseri Leyla Əliyeva, prodüseri Kris Tikyer, rejissoru BAFTA mükafatı sahibi Asif Kapadia, ssenari müəllifi isə Kristofer Hemptondur.

Filmdə Mariya Valverde, Halit Ergenç, Mendi Petinkin, Konni Nilson, Adam Bakri, xalq artisti Fəxrəddin Manafov, Əsad Bub, Numan Akar və digər məşhur aktyorlar çəkiliblər.

Qeyd edək ki, filmin çəkilişləri Bakıda, tarixi İçərişəhər küçələrində və paytaxtın bir sıra məkanlarında, Qobustan, Xınalıq və s. ərazilərdə aparılıb.