Əslində, film arxa sıralardan daha gözəl görünsə də, bəzi tamaşaçılar arxada o qədər telefonla oynayırlar ki, nəticədə telefonun işıqları ekrana düşür və heç bir şey görə bilmirsən.

Axar.az xəbər verir ki, bu sözləri aktyor İlham Qasımov ATV-nin efirində yayımlanan "V element" verilişinin qonağı olarkən deyib. Aktyor bəzi tamaşaçılarda adi kinoteatr mədəniyyətinin olmamasından şikayətlənib:

"Ümumiyyətlə, film izləməyə, sinemalara gedən tamaşaçılardan bir xahişim var ki, kinoteatra yalnız kinoya baxmaq üçün getsinlər, başqa şey üçün, məsələn, orada söhbət etməyə, telefonda oynamağa, yemək yeməyə getməsinlər. Məsələn, mən sinemaya gedəndə həmişə ön sıralardan bilet alıram. Əslində, film arxa sıralardan daha gözəl görünsə də, bəzi tamaşaçılar arxada o qədər telefonla oynayırlar ki, nəticədə telefonun işıqları ekrana düşür və heç bir şey görə bilmirsən. Bu da mənə çox pis təsir edir, əsəbiləşdirir".