Filmin çəkilişləri başlamışdı, amma Mərkəzi Komitədən qərar verdilər ki, rejissor dəyişdirilsin.

Axar.az xəbər verir ki, bu sözləri aktyor Şeyx Əbdül Mahmudov "Bizim kino" verilişində "Yeddi oğul istərəm" və "Axırıncı aşırım" filmlərinin çəkiliş prosesi haqda danışarkən deyib. Aktyor filmlərin hər ikisinə Mərkəzi Komitə tərəfindən nəzarət olduğunu bildirib:

"Filmi Kamil Rüstəmbəyov çəkməli idi. Hətta çəkilişlər başlamışdı. Amma həmin vaxt "Yeddi oğul istərəm" filmi Mərkəzi Komitənin xüsusi nəzarəti altında idi. Onlar qərar verdilər ki, filmi Kamil Rüstəmbəyov yox, Tofiq Tağızadə çəksin. Elə də oldu. Filmi Kamil bəydən alıb Tofiq bəyə verdilər. Bu, Kamil Rüstəmbəyova çox pis təsir etdi. Tofiq bəy gələndən sonra bir çox epizodu filmdən çıxardı. Hətta orada final epizodunda bəylər kəndə girə bilmirdi və Gəray bəyin göstərişi ilə kəndə od vururdular. Böyük yanğın çıxırdı. Həmin səhnəni də kəsdilər.

Kamil bəyin filmin ondan alınmasından çox pis olduğunu görən Adil İsgəndərov onu bir gün yanına çağıraraq Fərman Kərimzadənin ssenarisini göstərib, "Al bu ssenarini, müəllifi də burdadır. Apar, oxu, istədiyin kimi çək filmini" demişdi. Kamil müəllim həmin filmi çəkdi və beləcə "Qanlı aşırım" "Axrıncı aşırım" filmi oldu".