Tələbələrimin məni yad etməsi mənim üçün hər şeydən xoşdur.

Axar.az xəbər verir ki, bu sözləri xalq artisti Ramiz Əzizbəyli tələbələri haqda "Onlar" verilişinə danışarkən deyib. Aktyor tələbələrinin diqqətini hər zaman öz üzərində hiss etdiyini bildirib:

"Çox yoruluram, buna baxmayaraq, tələbələrimin məni tez-tez yoxlamağa gəlməsi məni sevindirir. Mənim üçün əsas olan onların irəli getməsidir. Səsləri yüksəklərdən gələndə çox sevinirəm. Mən onlardan heç nə istəmirəm. Yalnız mənim adımı yaşatsınlar, bu mənə yetər. Neçə illik müəllimlik dövrümdə yalnız iki tələbəmi dərsdən qovmuşam. Buna görə indiyə qədər də ürəyim ağrıyır".