Tez-tez mənim haqqımda ölüm xəbərləri çıxır.

Axar az xəbər verir ki, bu sözləri xalq artisti Safura İbrahimova haqqında çıxan xəbərlərlə bağlı "Ondan sonra" verilişində danışarkən deyib. Aktrisa yalan xəbərlərdən bezdiyini bildirib:

"Sənətdən ayrılandan bəri efirə də çıxmıram. Aktrisa olduğumu unutmuşam, özüm üçün yaşayıram. Övladım olmasını istəyirdim, həkim "olmayacaq" deyəndən sonra taleyimi bu cür qəbul etdim. Hətta mənim öldüyümü düşünənlər də var. Tez-tez haqqımda ölüm xəbərləri çıxır. Bəzən zəng edib deyirlər ki, bəs, eşitdik Safura xanım vəfat edib, 40 mərasiminə gəlmək istəyirik. Mən də deyirəm, gəlin, soruşurlar, kimdir? Cavab verirəm ki, danışan Safura xanımın bacısıdır".

Xatırladaq ki, 76 yaşlı xalq artisti Safura İbrahimova "Alma almaya bənzər" (Mədinə), "Qayınana" (Sədaqət), "Arşın mal alan" (Telli) kimi filmlərdə rol alıb.