Dünya şöhrətli aktyor Silvester Stallone Rembo obrazını canlandırmaq istəmədiyini deyib.

Axar.az xarici mətbuata istinadən xəbər verir ki, sevilən aktyor "Rembo" filminin növbəti bölümünün çəkiləcəyi ilə bağlı gəzən şayiələrə son qoymaq üçün açıqlama verib.

69 yaşlı Stallone "Rembo 4" filmi çəkilərkən çox ağır işə girişdiyini anladığını bildirib. O, film çəkilişi bitdikdən sonra bir də eyni səhvi təkrarlamaq istəmədiyini deyib.

Qeyd edək ki, 1982-ci ildə Devid Morrelin eyni adlı romanı əsasında çəkilən "İlk qan" (First blood) filmində Rembo obrazını canlandıran və bütün dünyada geniş izləyici kütləsi qazanan Silvester Stallone 1985-ci ildə "Rembo: İlk qan 2", 1988-ci ildə "Rembo 3" və 2008-ci ildə "Rembo 4" filmlərində çəkilib.