Peşəkar nöqteyi-nəzərdən bəlkə də bu filmdə hansısa problemlər var.

Bu sözləri tanınmış aktyor Kamran Yunis "Nizami" filmi ilə bağlı Axar.az-a danışarkən deyib. Onun sözlərinə görə, filmdəki möhür detalı ciddi səhvdir:

"Filmdə möhürlə bağlı olan hissəyə iradım var, çünki o dövrdə şiəlik təriqəti Azərbaycanda yox idi. Möhür şiəliyin bizə gətirdiyi bir atributdur. Şiəliksə Azərbaycana Şah İsmayıl Xətainin gücünə gəlib. O ki qaldı "Nizami" filminə, filmdə gözəl aktyor ansamblı var.

Çoxları Eldar Quliyevi qınayır ki, niyə Nizami rolunda Müslüm Maqomayevi çəkib. Amma düşünürəm ki, Şeyx Nizamini məhz Müslüm kimi dahi oynaya bilərdi. Qara Qarayev musiqisi, Rasim Balayevin qəzəl ifaları, Həsənağa Turabovun oyunu həqiqətən filmin bəzəyidir. Bir iradım isə budur: Nizami haqda film daha böyük olmalı idi. Çünki Nizamı böyükdür. 900 ilə yaxın yol gələn insan balaca ola bilməz".