Dünyada böyük tamaşaçı kütləsi olan "Ulduz müharibələri" çoxhissəli filminin sonuncu "Güc oyanır" bölməsi rekord gəlir əldə edib.

Axar.az xəbər verir ki, qısa müddət əvvəl ekranlara çıxan filmin gəlirinin bu gün 2 milyard dollara çıxacağı gözlənilir.

"Disney" studiyası tərəfindən verilən açıqlamada son filmin ABŞ-da 900 milyon dollardan çox gəlir əldə edərək, ən çox gəlir əldə edən film olduğu bildirilib. Dünyada bu məbləği "Ulduz müharibələri"ndən əvvəl təkcə "Avatar" və "Titanik" filmləri qazanıb.

Xatırladaq ki, 2012-ci ildə çoxhissəli filmin haqları "Ulduz müharibələri"nin yaradıcısı Corc Lukasdan "Disney" studiyası tərəfindən 4 milyard dollara satın alınıb.