Ana səhifə Kult Sinema |
Berlində 66-cı dəfə təşkil edilən Beynəlxalq Film Festivalı start götürüb.
Axar.az xəbər verir ki, festival Coel Devid və İtan Cessi Koen qardaşlarının çəkdiyi "Salam, Sezar" ("Hail, Caesar") filmi ilə açılıb.
"Berlinale Palast" teatrında təşkil edilən açılışda Koen qardaşları, aktyorlar Corc Kluni, Coş Brolin, Şanninq Tatum və Tilda Svinton iştirak edib. Açılışda münsiflər heyətində yer alanlar Lars Aydinqer, İngiltərədən film tənqidçisi Nik Ceyms, fransız fotoqrafiya sənətçisi Bricit Lekomb, ingilis aktyor Klayv Ouven, italyan aktrisa Alba Rohvoçer də iştirak edib. Bu il festivalın münsiflər heyətinə rəhbərliyi Meril Strip edəcək.
Qeyd edək ki, mükafatları fevralın 20-də sahiblərinə təqdim ediləcək festivalda ümumilikdə 77 ölkədən 434 film göstəriləcək, mükafatlar uğrunda 18 film mübarizə aparacaq.
Tarix
2016.02.12 / 16:05
|
Müəllif
Nilufər Muğantürk
|