"İçərişəhər" filminin premyerası keçiriləcək.

Nizami Kino Mərkəzindən Axar.az verilən məlumata görə, filmin qala-gecəsi martın 1-də baş tutacaq. Qala-gecədə filmin yaradıcı heyəti iştirak edəcək.

Gənc qızın Qarabağ müharibəsi veteranına olan sevgisindən bəhs edən filmdə baş rolları Təhminə Rafaella, Firdovsi Atakişiyev, Mehriban Zəki və Elmira Şabanova canlandırıblar.

Xatırladaq ki, psixoloji dram janrında olan filmin ssenari müəllifləri Təhminə Rafaella və İlqar Safat, quruluşçu rejissoru İlqar Safat, quruluşçu operatoru Luka Koassin (İtaliya), quruluşçu rəssamı Bütünay Haqverdiyev, icraçı prodüseri Ülvi Qasımov, prodüseri Müşfiq Hətəmovdur.