Nizami Kino Mərkəzində "Axırıncı yol" filminin təqdimat mərasimi keçirilib.

Axar.az xəbər verir ki, "Bozbaş pikçers" komandasının ərsəyə gətirdiyi ekran işi "İLK Media" şirkətinin istehsalıdır.

Gecədə təəssüratlarını bölüşən İlkin Həsəni bunları deyib:

"Filmin çəkilişləri iyun ayından başladı. Çox məsuliyyətli, ağır bir iş idi. "Axırıncı yol" çox çətin yol oldu. Elə bilirdik ki, yolumuz ancaq hamar olacaq. Çuxura düşdük, problemlər yaşadıq. Amma o problemləri həll etdik".

Filmin quruluşçu operatoru Rəşad Qarayev, ssenari müəllifi Ənvər Abbasov, Samid Ağayev və Elnur Həsənidir. Filmdə "Bozbaş pikçers"in aktyorları - Elşən Orucov, Ramil Babayev, Azər Baxışəliyev, Nicat Rəhimov, İlkin Həsəni, İlkin Misgərli rol alıblar.