"Diriliş" filmindəki oyununa görə Oskar mükafatı alan dünya şöhrətli Hollivud aktyoru Leonardo Di Kaprioya Saxa Respublikasından (Yakutiya) dəvət gəlib.

Axar.az xəbər verir ki, Rusiya Federasiyasının subyekti Yakutiyada Leonardo üçün "Leo üçün Oskar" (Oscar for Leo) kampaniyası çərçivəsində gümüşdən "Oskar" heykəlciyi hazırlanıb.

Kampaniyanın təşkilatçılarından olan Sardana Savina açıqlama verərək belə bir kampaniya fikrinin təsadüfən yarandığını, sonra həddindən çox maraq çəkdiyi üçün davam etdiyini bildirib:

"Səninlə qürur duyuruq, Leo. Təbriklər. Salamlar".

Qeyd edək ki, Di Kaprio ilə əlaqə saxlayan Rusiya film istehsalı şirkəti "Karo Films" aktyorun mükafatı götürməyi qəbul etdiyini bildirib.