Kanadada keçirilən beynəlxalq sənədli film festivalı olan "Hot Docs"un müsabiqə bölməsində Azərbaycan filmi də yer alıb.

Axar.az xəbər verir ki, aprelin 28-dən mayın 8-nə kimi davam edəcək Şimali Amerikanın ən böyük sənədli film festivalı "Hot Docs"da Azərbaycanı rejissor İmam Həsənovun "Müqəddəs inək" (Holy Cow) filmi təmsil edir.

Toronto şəhərində keçirilən festivalda bu il 51 ölkədən 200-dən çox film biricilik uğrunda mübarizə aparacaq.

Xatırladaq ki, "Müqəddəs inək" filmi aprel ayının sonlarında Avstriyanın Linz şəhərində təşkil edilən, 30-dan çox Avropa ölkəsindən 170-dən çox filmin nümayiş olunduğu "Avropa dəhlizi" ("Crossing Europe") Beynəlxalq Film Festivalında da iştirak edib.