Ana səhifə Kult Sinema |
Gəncə şəhərində yeni kinoteatrın açılış mərasimi olub.
Axar.az xəbər verir ki, Azərbaycanın ikinci ən böyük şəhəri
sayılan Gəncədə müasir, ən yüksək keyfiyyətlə inşa edilmiş "Sinema
Plus Xəmsə" kinoteatrının açılışı baş tutub.
Açılış mərasimində aktyor Müşfiq Şahverdiyev, Dj Fateh, İlham
Qasımov kimi məşhurlar, kinoteatrın rəhbəri Zaur Darabzadə, Gəncə
şəhər İcra Hakimiyyətinin başçısı Elmar Vəliyev, millət vəkili
Nafiq Həmzəyev və digər rəsmilər iştirak edib.
Tədbir Zaur Darabzadənin nitqi ilə açıq elan olunub. Daha sonra Elmar Vəliyev, millət vəkili Nafiq Həmzəyev, layihə rəhbəri Fəxri Quluzadə, Faiq Kazımov çıxış edib.
"Sinema Plus Xəmsə" ən yeni nəsil proyektorlar, yüksək parlaqlığa malik kinoekranlar və səs sistemləri ilə təhciz olunub.
Burada xarici ölkələrin festivallarının keçirilməsi, məşhur simaların dəvət olunması planlaşdırılır. Əsas diqqət cəlb edən məqam odur ki, kinoteatrda dünya ilə eyni gündə premyeralar göstəriləcək. "Sinema Plus Xəmsə" 461 yerdən və 5 zaldan ibarətdir. Kinoteatrın zallarına Avropa istehsalı olan yüksək dərəcəli rahat kreslolarla yerləşdirilib.
Qeyd edək ki, dünyada 500-dən çox kinoteatrın dizayn işlərini reallaşdıran Kanadanın "Mesbur+Smiz Arşitekts" şirkəti "Sinema Plus Xəmsə" kinoteatrı ilə əməkdaşlıq edir.
Bundan əlavə, VİP zalda tamaşaçılar şəxsi masalı kreslolarda film izləmək, kinoseans zamanı qida və içkilər sifariş etməyə imkan yaradan VİP Bar-dan istifadə etmək və film izləyərkən mobil telefonlarını kreslolarda xüsusi quraşdırılmış USB avadanlığının köməyi ilə cərəyan etmək şansı da əldə edəcək.
Tarix
2016.05.02 / 23:17
|
Müəllif
Rəfiqə Əlisəfa
|