Deyirsiniz ki, 8 avqust - seçki kampaniyasıdır. Belə çıxır ki, bu (Azərbaycanla Ağ Evdə imzalanan saziş - red.), yaxşı haldır? Deyirlər ki, bu, kapitulyasiyadır. Əgər bu, yaxşı deyilsə və biz seçkiqabağı kampaniyanı bunun üzərində qurmuşuqsa, siz (müxalifət - red.) buna sevinməlisiniz!

Axar.az xəbər verir ki, bu sözləri Ermənistan Baş naziri Nikol Paşinyan bu gün parlamentdə müxalif “Ermənistan” fraksiyası üzvlərinə müraciətində deyib.

“Bəs siz nəyə görə kədərlənirsiniz? Çünki yaxşı işdir? Əgər yaxşı işdirsə, biz heç bir kampaniya aparmırıq, sadəcə, bu yaxşı işi görürük”, - Paşinyan bildirib.

Tavuşdakı demarkasiyadan danışan Paşinyan qeyd edib:

“Hamını gedib Kirants kəndini görməyə dəvət edirəm. Soruşurdular ki, Əskiparada kilsə necə olacaq? Qoy bu gün getsinlər və Kirantsa baxsınlar. Bu gün örnək kənddir. Deyirdilər ki, insanlar köçürlər. Ən yaxşı vaxtlarda Kirantsda 84 ev var idi, bu gün isə orada 50-dən çox yeni ev tikilir”.