Ana Vətən Partiyası Beynəlxalq Mətbuat Mərkəzində “Azərbaycan Xalq Cümhuriyyəti: Tarixi reallıqlar və müasirlik” mövzusunda dəyirmi masa keçirib.

Axar.az xəbər verir ki, tədbiri giriş nitqilə AVP sədri, Milli Məclisin deputatı, tarix üzrə elmlər doktoru Fəzail Ağamalı açıb.

Daha sonra AMEA A.A.Bakıxanov adına Tarix İnstitutunun “Azərbaycan xalqına qarşı soyqırımlar tarixi” şöbəsinin aparıcı elmi işçisi, tarix üzrə elmlər doktoru Vaqif Abışov Cümhuriyyətin yaranması ərəfəsində Azərbaycanın ağır durumu, xalqımıza qarşı keçirilmiş soyqırım cinayətləri haqqında çıxış edib.

A.A.Bakıxanov adına Tarix İnstitutunun “Ümumi tarix” şöbəsinin müdiri, əməkdar elm xadimi Tofiq Mustafazadə Azərbaycan Xalq Cümhuriyyətinin süqutunda daxili və xarici amillərin oynadığı roldan danışıb, Cümhuriyyətin tarixi əhəmiyyətini, onun dövlətçiliyimizdə yerinin vacibliyini vurğulayıb.