Keçən il Rusiya və Azərbaycan prezidentləri arasında altı görüş olub.

Axar.az xəbər verir ki, bu sözləri prezident İlham Əliyev Moskvanın və bütün Rusiyanın Patriarxı Kirillə görüşü zamanı deyib.

Dövlət başçısı bildirib ki, məhz bu, iki ölkə arasındakı münasibətlərin mahiyyətini və xarakterini, yaxınlığımızı əks etdirən rekord göstəricidir:

“Əlbəttə, Vladimir Vladimiroviçin Azərbaycana səfəri və mənim Rusiyaya səfərim bizim münasibətlərimizin daha da möhkəmlənməsi işində çox mühüm rol oynayıb. Düşünürəm ki, bizim münasibətlərimiz qonşular arasında münasibətlərə nümunə ola bilər. Bizi tarixi baxımdan bağlayan səbəblər çoxdur və bu gün - biz bütün istiqamətlərdə fəal qarşılıqlı əlaqə saxladığımız bir vaxtda bu əməkdaşlıq, əlbəttə, bizim regionda, Qafqazda sülhün möhkəmlənməsi işində xüsusi əhəmiyyət kəsb edir. Buna görə də biz dövlətlərarası münasibətlərin bütün palitrasına nəzər salanda, əlbəttə, müsbət dinamika görürük. Bu baxımdan, Sizin bugünkü səfəriniz xüsusi rol oynayır”.