Yuxarı

Azərbaycan ərazi bütövlüyümüzü dəstəkləyir - Səfir

Ana səhifə Siyasət
12 Punto 14 Punto 16 Punto 18 Punto

Mərakeşin Azərbaycandakı səfirliyi Kral VI Məhəmmədin hakimiyyətə gəlişinin 20 illiyini qeyd edib.

Axar.az xəbər verir ki, milli bayram münasibətilə təşkil olunan rəsmi qəbulda səfirlər, yerli və əcnəbi rəsmilər, o cümlədən jurnalistlər iştirak edib.

Azərbaycan və Mərakeş himnlərinin səsləndirilməsi ilə start götürən tədbir daha sonra Mərakeşin ölkəmizdəki səfiri Məhəmməd Adil Embarşın nitqi ilə davam edib:

“Kral VI Məhəmmədin hakimiyyətə gəlməsindən sonrakı dövrdə ölkə iqtisadiyyatının modernləşməsi, gender məsələləri və yoxsulluğa qarşı mübarizə milli prioritetlərə çevrilib. Ölkənin bütün milli sərvətləri bu istiqamətdə səfərbər olunub. Nəticədə Mərakeş regionda müxtəlif sektorlarda, o cümlədən avtomobil istehsalı, aerokosmik sənaye sahələrində böyük uğurlara imza atıb”.

Azərbaycanla Mərakeş arasındakı münasibətlərdən danışan səfir əməkdaşlığın inkişaf etdiyini vurğulayıb:

“Hər iki ölkə bir çox məsələdə eyni mövqedən çıxış edir. Saxara məsələsində konstruktiv mövqeyinə, Mərakeşin ərazi bütövlüyünü dəstəklədiyinə görə Azərbaycana təşəkkürümü bildirirəm. İki ölkə arasında ticarət dövriyyəsinin həcmi sabit şəkildə artmaqda davam edir. Qarşılıqlı turist səfərlərinin sayında da artım müşahidə olunur”.

Azərbaycan Respublikası Xarici İşlər nazirinin müavini Ramiz Həsənov qəbulda çıxış edərək, bayram münasibətilə Mərakeş xalqını Azərbaycan hökuməti adından təbrik edib. Bildirib ki, Azərbaycan ortaq dini, mədəni və tarixi köklərlə bağlı olduğu ərəb-islam ölkələri, o cümlədən Mərakeş krallığı ilə əlaqələri inkişaf etdirməyə önəm verir.

O qeyd edib ki, Dağlıq Qarabağ probleminin ədalətli həlli istiqamətində Mərakeşin Azərbaycanın haqlı mövqeyini müdafiə etməsi yüksək qiymətləndirilir.

Tarix
2019.07.31 / 12:42
Müəllif
Rəfiqə Əlisəfa
Şərhlər
Digər xəbərlər

Bəs, İranın “qırmızı xətti” idi? Tehran niyə səsini çıxarmır?

İran bu ölkələri Xəzərə buraxmaq istəmir

Bu, Bakıya təhdiddir: hazırlaşmalısınız – Mixaylov

Makronun “revanş” cəhdi Nikolu niyə qorxutdu?..

Nikolun Qarabağ qərarından sonra Putin ona dedi ki… - Lavrov

Bu, Azərbaycanın siyasi cəsarətini nümayiş etdirdi - Video

Fransa universitetində Bakının siyasətindən danışıldı

Simonyan: Qafarovaya bunu dedim, razılaşdıq… - Yeni görüş

“Dünya masası” qurulur: Bakı orda olacaq, həm də…

Bakıya təriflər yağdıran Anders niyə ermənipərəst oldu?

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla