Yuxarı

TDƏŞ-in Budapeştdə ofisi açıldı - Foto

Ana səhifə Siyasət
12 Punto 14 Punto 16 Punto 18 Punto

Türkdilli Dövlətlərin Əməkdaşlıq Şurasının (TDƏŞ) Budapeşt şəhərində ofisinin açılış mərasimi keçirilib. Tədbirdə TDƏŞ-in, Azərbaycan, Türkiyə, Qazaxıstan və Qırğızıstanın nümayəndə heyətləri, bu ölkədə akkreditə olunmuş diplomatik korpusun təmsilçiləri, macar rəsmiləri, yerli ictimaiyyət nümayəndələri, türkoloq alimlər, adıçəkilən ölkələrin diaspor üzvləri və digər qonaqlar iştirak ediblər.

Axar.az xəbər verir ki, mərasimdən öncə TDƏŞ Xarici İşlər Nazirləri Şurasının növbədənkənar iclası keçirilib.

Açılış mərasimində Macarıstanın Xarici İşlər və Ticarət naziri Peter Siyarto, Türk Şurasının Baş katibi Bağdad Amreyev, üzv ölkələrin nümayəndə heyətlərinin rəhbərləri – Azərbaycanın xarici işlər naziri Elmar Məmmədyarov, Türkiyənin Xarici İşlər naziri Mövlud Çavuşoğlu, Qırğızıstanın Xarici İşlər naziri Çingiz Aydarbekov, Qazaxıstanın Macarıstandakı səfiri Nurbax Rüstəmov çıxış ediblər.

Elmar Məmmədyarov Macarıstan ilə TDƏŞ üzv dövlətləri arasında bir çox sahələrdə səmərəli əməkdaşlığın uğurla inkişaf etdiyini qeyd edərək, Türk Şurasının Budapeştdəki ofisinin açılması təklifinin Baş nazir Viktor Orban tərəfindən Şuranın 6-cı Sammiti zamanı irəli sürüldüyünü bildirib. Nazir, həmçinin ofisin türkdilli dövlətlərlə Macarıstan, habelə Avropa İttifaqı və qurumun təsisatları arasında əməkdaşlığın yeni mərhələyə qədəm qoymasında əhəmiyyətli rol oynayacağına əminliyini vurğulayıb. O, ofisin Türk Şurasının fəaliyyətinə töhfə verəcəyini, təşkilatın gələcək inkişafına müsbət təsir göstərəcəyini bildirərək, üzv dövlətlərlə Macarıstan arasında əməkdaşlığın daha da möhkəmləndirilməsində nadir fürsət olduğunu vurğulayıb.

Elmar Məmmədyarov bu ilin oktyabrında ölkəmizin Türk Şurasının növbəti 7-ci sammitinə ev sahibliyi edəcəyini diqqətə çatdıraraq, Macarıstanın Baş Naziri Viktor Orbanın Türk Şurasının Sammitində ikinci dəfə iştirak edəcəyini məmnunluq hissi ilə qeyd edib. Nazir sözügedən Sammitin özəlliyinin Türk Şurasının təməlini qoyan Naxçıvan sazişinin 10 illiyinin qeyd edilməsi və Özbəkistanın Şuraya tamhüquqlu üzv olması ilə əlamətdar olduğunu bildirib.

Tarix
2019.09.20 / 20:30
Müəllif
Axar.az
Şərhlər
Digər xəbərlər

ABŞ-ın bu addımları bizi məyus edir - Hacıyev

Bakı və İrəvan sülhə yaxındır, ancaq… - Hacıyev

Akar ABŞ konqresmenləri ilə sülh prosesini müzakirə etdi

İrəvan İranın “qırmızı xəttini” zorlayır, həm də tək yox!

Arkov: Bakı buna çox sərt cavab verəcək

Erməni: Həyətim Azərbaycan ərazisinə düşür - Video

Vaşinqton bu ölkəyə qarşı yeni ittifaq yaradır

Araikin müsahibəsi ilə bağlı AzTV-dən yeni açıqlama

Bu video Musəvinin başına dərd açdı: İstefası tələb edildi

Araikin müsahibəsi buna görə yayımlanmadı - Sensasion iddia

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla