Yuxarı

60-a yaxın dövlət və hökumət başçısı Bakıya gəlir

Ana səhifə Siyasət
12 Punto 14 Punto 16 Punto 18 Punto

Xarici İşlər Nazirliyində Qoşulmama Hərəkatının (QH) oktyabrın 25-26-da Bakıda keçiriləcək dövlət və hökumət başçılarının XVIII sammiti ilə bağlı mətbuat konfransı keçirilib.

Axar.az xəbər verir ki, mətbuat konfransı sammitlə bağlı ətraflı məlumatların verilməsi, o cümlədən tədbirin mediada işıqlandırılması məsələsinə həsr olunub.

Azərbaycan Xarici İşlər nazirinin müavini Ramiz Həsənov ölkəmizin artıq oktyabr ayı ərzində ikinci zirvə görüşünə ev sahibliyi etdiyini deyib.

R.Həsənov xatırladıb ki, Azərbaycan 2011-ci ildən QH-nın üzvüdür:

“Qoşulmama Hərəkatı beynəlxalq münasibətlərin tənzimlənməsində mühüm rol oynayan platformadır. BMT-dən sonra üzvlərinin sayına görə dünyada ən böyük təsisatdır. Dünyada sülhün, tərəqqinin təmin olunmasına töhfə vermək məqsədi daşıyır. Təşkilata üzvlük müxtəlif ölkələrlə əməkdaşlığın güclənməsinə imkan yaradır. Azərbaycan bu təşkilatda qısa zamanda böyük nüfuz qazanıb. 2016-cı ildə Venesuelanın Marqarita adasında keçirilən XVII sammitdə növbəti zirvə görüşünün Bakıda keçirilməsinə dair qərar qəbul edilib”.

R.Həsənov bildirb ki, bu günədək 158 dövlət və beynəlxalq təşkilat Qoşulmama Hərəkatının Bakı sammitində iştiraklarını təsdiq ediblər:

“Onlardan 60-a yaxını dövlət və hökumət başçılarıdır. Tədbir 3 seqmentdən ibarət olacaq. Birinci seqment oktyabrın 21-22-də keçirilən, yəni artıq başlayan yüksək səviyyəli məmurların görüşüdür. Oktyabrın 23-24-də xarici işlər nazirlərinin görüşü, 25-26-da isə dövlət və hökumət başçılarının sammiti olacaq. Ona görə 3 seqmentdə olur ki, müəyyən sənədlər hazırlanır, sonra həmin sənədlər xarici işlər nazirlərinin, daha sonra dövlət başçılarının sammitinə təqdim olunacaq”.

R.Həsənov qeyd edib ki, Bakı sammitində 4 yekun sənədin imzalanması gözlənilir:

“Bunlar Bakı Zirvə Görüşünün yekun sənədi, Bakı Bəyannaməsi, Ev sahibi dövlətə Təşəkkür Bəyannaməsi və nəhayət, Fələstin üzrə Nazirlərin Bəyannaməsidir. İlk 3 sənədin mətninə Dağlıq Qarabağ münaqişəsi və xarici siyasətimizin prioritetinə dair bəndlər daxil edilib. Hazırda XİN tərəfindən Dağlıq Qarabağ münaqişəsi və xarici siyasət prioritetlərimizin digər sənədə daxil edilməsi istiqamətində də fəal iş aparılır”.

Nazir müavini qeyd edib ki, iclasda QH-yə sədrlik Venesueladan Azərbaycana keçəcək:

“Bununla da 3 il müddətinə hərəkata sədrliyi Azərbaycan prezidenti edəcək”.

R.Həsənov onu da bildirb ki, tədbirin işıqlandırılması üçün indiyədək 246 jurnalist qeydiyyatdan keçib.

Tarix
2019.10.22 / 13:52
Müəllif
Axar.az
Şərhlər
Digər xəbərlər

Arkov: Bakı buna çox sərt cavab verəcək

Erməni: Həyətim Azərbaycan ərazisinə düşür - Video

Vaşinqton bu ölkəyə qarşı yeni ittifaq yaradır

Araikin müsahibəsi ilə bağlı AzTV-dən yeni açıqlama

Bu video Musəvinin başına dərd açdı: İstefası tələb edildi

Araikin müsahibəsi buna görə yayımlanmadı - Sensasion iddia

Bəs, İranın “qırmızı xətti” idi? Tehran niyə səsini çıxarmır?

İran bu ölkələri Xəzərə buraxmaq istəmir

Bu, Bakıya təhdiddir: hazırlaşmalısınız – Mixaylov

Makronun “revanş” cəhdi Nikolu niyə qorxutdu?..

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla