Ana səhifə Siyasət |
Azərbaycanın işğal altında saxlanılan Dağlıq Qarabağ ərazisində yaradılan separatçı-terrorçu qurumun yeni seçilən “lideri” Araik Arutyunyan “parlament”in Şuşaya köçürülə biləcəyini deyib.
Axar.az xəbər verir ki, Şuşada keçirilən “andiçmə” mərasimində “dqr”in “prezidenti” qondarma parlamentin növbəti iclasının Şuşada olacağını qeyd edib.
Xatırladaq ki, azərbaycanlıların soyqırımı günündə - 31 martda Qarabağda “seçki” keçirən və Araik Arutyunyanı “prezident” seçən Ermənistan hakimiyyətinin sülh danışıqlarına zərbə vuran növbəti addımı “andiçmə” mərasimini Şuşaya salmasıdır. Bu gün Şuşada baş tutan mərasimə Ermənistan Baş naziri Nikol Paşinyan da qatılıb.
Azərbaycanlıların Şuşaya xüsusi həssaslıqla yanaşdığını bilən erməni terrorçu-separatçılarının bir-birinin ardınca atdığı addımlar sanki sülh danışıqlarında dalana dirəndiklərini göstərir. Mərhələli həlldən qaça bilməyəcəyini anlayan Paşinyan Azərbaycanı provokasiyaya çəkməklə danışıqlardan imtina fürsəti qazanmaq istəyir.
Tarix
2020.05.21 / 21:29
|
Müəllif
Axar.az
|