İşğalçı mövqe sərgiləyən Ermənistana qarşı Azərbaycan Silahlı Qüvvələrinin yanındayıq.

Axar.az xəbər verir ki, bunu Türkiyə Milli Müdafiə naziri Hulusi Akar deyib.

O bildirib ki, Ermənistan tərəfindən Azərbaycanın Tovuz rayonuna edilən hücumları şiddətlə qınayırıq:

“Hücumların qarşısını alarkən şəhid olan azərbaycanlı qardaşlarımıza Allahdan rəhmət diləyirik. Qardaş Azərbaycan xalqına başsağlığı veririk. Dağlıq Qarabağı qanunsuz işğal edən və illərdir təcavüzkar siyasət aparan Ermənistana qarşı Azərbaycan Silahlı Qüvvələrinin yanındayıq. “Tək millət, iki dövlət” deyə qəbul etdiyimiz azərbaycanlı qardaşlarımıza var gücümüzlə dəstək verməkdə davam edəcəyik”.