Yuxarı

Kuba səfirinin diplomatik fəaliyyəti başa çatdı - Foto

Ana səhifə Siyasət
12 Punto 14 Punto 16 Punto 18 Punto
Kuba səfirinin diplomatik fəaliyyəti başa çatdı - Foto

Xarici işlər naziri Ceyhun Bayramov Kuba Respublikasının Azərbaycan Respublikasındakı fövqəladə və səlahiyyətli səfiri Alfredo Fidel Nieves Portuondonu ölkəmizdəki diplomatik fəaliyyətinin başa çatması münasibəti ilə qəbul edib.

Bu barədə Axar.az-a Azərbaycan Xarici İşlər Nazirliyindən məlumat verilib.

Nazir Ceyhun Bayramov iki dost ölkə olan Azərbaycan və Kuba arasında həm ikitərəfli, həm də çoxtərəfli müstəvilərdə mövcud olan əməkdaşlıq münasibətlərini və ölkələrimiz arasındakı yüksək səviyyəli siyasi dialoqu məmnunluqla qeyd edib. Nazir, Azərbaycanın Qoşulmama Hərəkatına sədrliyi çərçivəsində Hərəkatın fəal üzvü olan Kubanın dəstəyini, habelə sədrlik prioritetlərinin həyata keçirilməsi məsələsində dost ölkənin müsbət töhfəsini minnətdarlıqla vurğulayıb.

Nazir Ceyhun Bayramov, Azərbaycan hökumətinin Qoşulmama Hərəkatına üzv dövlətlər üçün təsis etdiyi təhsil təqaüdü proqramı çərçivəsində Kubadan tələbələrin ölkəmizdə təhsilini davam etdirməsinin xalqlar arasında əlaqələrin genişləndirilməsinə müsbət töhfə verəcəyini söyləyib. Həmçinin pandemiya dövründə Kubadan bir qrup həkimin Azərbaycana gəlməsinin xalqımız tərəfindən böyük rəğbətlə qarşılandığı səfirin diqqətinə çatdırılıb.

Səfir Alfredo Fidel Nieves Portuondo Azərbaycanda fəaliyyəti müddətində ona göstərilən diqqət və dəstəyə görə təşəkkürünü bildirib, Azərbaycan xalqının qonaqpərvərliyini yüksək qiymətləndirib. Fəaliyyəti müddətində Kuba Respublikası Prezidentinin Qoşulmama Hərəkatının Bakı Zirvə görüşündə iştirak etmək üçün Azərbaycana səfər etdiyini məmnunluqla xatırlayıb. O, ölkəsinin Azərbaycanın ərazi bütövlüyünü hər zaman dəstəklədiyini vurğulayıb.

Tərəflər iki ölkə arasında əlaqələrin inkişafı perspektivləri ətrafında fikir mübadiləsi aparıblar.Nazir Ceyhun Bayramov səfir Alfredo Fidel Nieves Portuondoya ölkələrimiz arasındakı əlaqələrin inkişafına verdiyi töhfəyə görə təşəkkürünü bildirib və ona gələcək fəaliyyətində uğurlar arzulayıb.

Tarix
2022.01.27 / 18:05
Müəllif
Axar.az
Digər xəbərlər

Cəmil Həsənli sərbəst buraxıldı - Təcili

Əli Kərimlinin saxlanılması ilə bağlı yeni məlumat

Cəmil Həsənli hava limanından geri qayıtdı - DTX-yə çağırıldı

Gültəkin Bakıya göndərilir: daha iki şəxs saxlanacaq

Gültəkin Hacıbəyli Türkiyədə saxlanıldı: deport edilir

Azərbaycan Qahirədə mühüm iclasda təmsil olunacaq

14 yüksək rütbəli zabitimizin şəhid olmasından 4 il ötür

Bakı və Varşava məsləhətləşmələr aparacaq

Əli Kərimlinin evindən Ramiz Mehdiyevin məktubu tapıldı

Əli Kərimli DTX-yə aparıldı

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla