Ermənistan və Azərbaycanın demarkasiyası üzrə komissiyaları tərəfindən Tavuş bölgəsində yerdə heç bir ölçmə işi aparılmayıb.

Axar.az xəbər verir ki, bu barədə Ermənistan Baş nazirinin müavini, Sərhəd Demarkasiyası və Sərhəd Təhlükəsizliyi üzrə Ermənistan Komitəsinin sədri Mger Qriqoryanın ofisi yerli medianın sorğusuna cavab olaraq bildirib.

“Tavuş bölgəsində Ermənistan Respublikası və Azərbaycan Respublikasının dövlət sərhədinin demarkasiyası komissiyaları tərəfindən yerdə heç bir iş aparılmayıb və hazırda da aparılmır. Bu məsələlər müzakirə olunur. Eyni zamanda bildiririk ki, iki ölkənin komissiyalarının görüş və müzakirələrinin nəticələri ilə bağlı rəsmi press-relizlər dərc olunur, onlardan kənarda ikitərəfli qaydada təsdiq edilmiş iş proseduruna əsasən, tərəflər şərh vermirlər”, - məlumatda vurğulanıb.