Məlumdur ki, kredit götürən vətəndaşlarla bağlı kredit reyestr xidməti mövcuddur. Həmin sistemdə vətəndaşlarla bağlı ətraflı məlumat var. Yəni müştəri nə zaman kredit alıb, ödəmə tarixçəsi necədir və s. Bu xidmət banklara müştərilərini qiymətləndirmək imkanı verir. Sığorta sahəsində də eyni prinsiplə işləyən sistem yaradılacaq.

Vətəndaşların sığortaya cəlb edilmə prosesində yeniliklər gözlənilir.

Sığorta olunanların məlumat bazası yaradılacaq. Maliyyə Bazarlarına Nəzarət Palatasından aldığımız məlumata görə bu məsələ sığorta bazarı ilə bağlı tədbirlər planının tərkib hissəsi kimi reallaşdırılacaq.

Sığortalıların reyestr bazası hazırda bankların istifadə etdiyi Mərkəzləşdirilmiş Kredit Reyestri kimi fəaliyyət göstərəcək. Məlumat bazasına əsasən müştərilərin sığorta xidmətlərindən istifadə səviyyəsi müəyyən ediləcək

Sığortalıların reyestri tariflərə təsir göstərən əsas amillərdən biri olacaq

Avtomobil sahiblərinin mülki məsuliyyətinin icbari sığortasında buna bənzər bonus malus sistemi tətbiq edilir. Amma sığortalalıların reyestri daha geniş məlumatları özündə əks etdirəcək.Yeni sistemin kasko sigorta, daşınmaz əmlak sigorta və digər növlərdə tətbiqi gözlənilir. Palatadan verilən məlumata görə hazırda bununla bağlı qızğın müzakirələr gedir. Reyestr xidmətinin nə zamandan fəaliyyətə başlayacağı ilə bağlı ictimaiyyətə məlumat veriləcək

Axar.az Xəzər xəbər-in mövzu ilə bağlı daha ətraflı videomaterialını təqdim edir: