Ödənişsiz oxuyan tələbələr də təhsil krediti ala biləcək.

Xəzər xəbər məlumat verir ki, "Maarifçi" Tələbə Kredit Fondunda dövlət hesabına təhsil alan tələbələr üçün də kreditlərin ayrılması nəzərdə tutulur. Başqa sözlə, tələbələr sadəcə təhsil haqlarını ödəmək üçün deyil, digər ehtiyacları üçün də təhsil krediti götürə bilərlər. Məsələ fondun iclaslarında müzakirəyə çıxarılacaq və bundan sonra bu kreditlərin verilməsinə başlanılacaq.

Üstəlik təhsil kreditinin əhatə etdiyi universitetlərin də sayı artırılır və özəl universitetlərin də tələbələri bu kreditlərə müraciət edə biləcək. Hazırda təhsil kreditləri sadəcə 10 dövlət universitetinin tələbələrinə verilir.

Təhsil krediti verilərkən ailənin gəlirləri də nəzərə alınır. Kreditlər tələbə universiteti bitirib 1 il ərzində işlə təmin olduqdan sonra 5 il müddətində qaytarılmalıdır.